Şəkidə görkəmli jurnalist Teymur Xəlilovun xatirəsinə həsr olunmuş tədbir keçirilmişdir
Şəki Şəhər Mədəniyyət Mərkəzində görkəmli jurnalist - yazar, AYB - nın Şəki bölgə filialının ilk sədri olmuş Teymur Xəlilovun xatirəsinə həsr olunmuş tədbir keçirilmişdir. Tədbiri giriş sözü ilə AYB Şəki bölməsinin sədri şair Vaqif Aslan açdı. Sonra Teymur Xəlilovun həyat yolunu özündə əks etdirən süjet nümayiş olundu. Şəki Şəhər İcra Hakimiyyəti başçısının müavini, ictimai - siyasi və humanitar məsələlər şöbəsinin müdiri Zərinə Cavadova çıxış edərək Teymur Xəlilovun gözəl insan, bacarıqlı jurnalist, istedadlı yazıçı olduğunu deyərək onu da diqqətə çatdırdı ki, o 21 il “Bakinskiy Raboçiy” qəzetinin bölgə müxbiri kimi çalışmışdır. Tədbirdə çıxış edən Sevil İsmayılova, BDU – nun professoru Fərman İsmayılov, AYB Şəki bölməsinin üzvləri İradə Gülfir, Mayis Səlim, Ağa Ramazan, Ramiz Orsər və başqaları cıxış edərək Teymur Xəlilov haqqında xoş xatirələrini söyləmişlər. Tədbirin sonunda çıxış edən Kəmalə Əzimzadə mərhumun ailə üzvləri adından Şəki Şəhər İcra Hakimiyyətinə və tədbirin təşkilatçılarına dərin minnətdarlığını bildirmişdir.
