Şəkidə ümumrayon iməciliyi keçirilmişdir
20 mart 2013 | 16:00
Novruz bayramı ərəfəsində martın 19-da Şəkidə ümumrayon iməciliyi keçirilmişdir. İməcilik zamanı park və xiyabanlarda, prospekt, küçə və bağlarda təmizlik işləri aparılmış, abadlıq və səliqə-sahman tədbirləri görülmüşdür.
İməcilik zamanı səkilər, suötürücü arxlar təmizlənmiş, səki daşları ağardılmış, yeni əkilmiş ağac və gül kollarına qulluq göstərilmişdır.
İməcilikdə ayrı-ayrı kollektivlər, bütün idarə, müəssisə və təşkilatların nümayəndələri, şəhərin bütün prospekt və küçələrində, qəsəbə və kəndlərdə isə yerli sakinlər yaşadıqları ərazilərdə səliqə-sahman işlərinin görülməsində yaxından iştirak etmişlər.
Keçidlər
