Şəki şəhərinin “Yaramallı” məhəlləsində səyyar qəbul keçirilib
.JPG)
Şəki Şəhər İcra Hakimiyyətinin başçısı Elxan Usubov fevralın 15-də Şəkinin “Yaramallı” məhəlləsinin sakinləri ilə görüşüb.
Görüşdə başçının müavinləri, aparatın şöbə müdirləri, ayrı-ayrı xidmət təşkilatlarının rəhbələri, məhəllə sakinləri iştirak ediblər.
Görüşün əvvəlində Şəki şəhərində ötən ildə görülmüş işlərdən söz açılmış, həyata keçirilən layihələr barədə məlumat verilmişdir.
Sonra məhəllə sakinləri Sevinc Məmmədzadə, İsmayıl Mürsəlov, Nüyvər Məmmədova, Rüstəm Abdullayev və başqaları çıxış edərək ərazidən keçən avtobus marşrutlarının sayının tənzimlənməsini, köhnə elektrik dirəyinin dəyişdirilməsini, 104-cü massivin qazlalaşdırılmasını, yeni uşaq bağçasının tikintisini və sairlə bağlı tələb və təkliflərini irəli sürmüşlər.
Görüşdə şəhər icra hakimiyyətinin başçısı Elxan Usubov çıxış edərək tapşırıq və tövsiyyələrini bildirmiş, qarşıda duran vəzifələr barədə danışmışdır.
