Şəki Şəhər İcra Hakimiyyətinin başçısı “Bağbanlar” məhəlləsinin sakinləri ilə görüşüb
Mayın 10-da Şəki Şəhər İcra Hakimiyyətinin başçısı Elxan Usubov Şəkinin “Bağbanlar” məhəlləsində səyyar qəbul keçirib.
Qəbulda başçının müavinləri, aparatın şöbə müdirləri, ayrı-ayrı xidmət təşkilatlarının rəhbələri, məhəllə sakinləri iştirak ediblər.
Şəki Şəhər İcra Hakimiyyətinin başçısı Elxan Usubov çıxış edərək əvvəlcə ölkəmizin ictimai-siyasi həyatında baş verən mühüm hadisələrə toxunub, sonra Şəki şəhərində görülən işlər, həyata keçirilən layihələr barədə məlumat verib.
Məhəllə sakinləri Mustafa Abdullayev, İradə Heydərova, Arzu Həsənova və başqaları çıxış edərək ərazidə yerləşən 16 saylı uşaq bağçasında əlavə qrupların açılması, Fuad Abdurahmanov küçəsinin işıqlandırılması, ərazidə sahibsiz itlərin zərərsizləşdirilməsi və sairlə bağlı tələb və təkliflərini irəli sürmüşlər.
Sonda şəhər icra hakimiyyətinin başçısı Elxan Usubov çıxış edərək tapşırıq və tövsiyyələrini bildirmiş, qarşıda duran vəzifələr barədə danışmışdır.
