Şəkinin Turan qəsəbəsində səyyar qəbul keçirilib
Şəki Şəhər İcra Hakimiyyətinin başçısı Elxan Usubov mayın 31-də Şəkinin Turan qəsəbəsinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, ayrı-ayrı xidmət təşkilatlarının rəhbələri, kənd sakinləri iştirak etmişlər.
Qəbulun əvvəlində ərazidə görülmüş işlərdən söz açılmış, qəsəbənin ərazisindəki həlli vacib məsələlərə toxunulmuş, həmçinin Şəki şəhərində həyata keçirilən layihələr barədə məlumat verilmişdir.
Qəsəbə sakinləri Baba Səmədov, Nübar İbrahimova, Oktay Möylamov və başqaları çıxış edərək qəsəbə ərazisində yanğından mühafizə bölməsinin açılması, qəsəbədəki doğum şöbəsinin fəaliyyətinin bərpası, Turan qəsəbə uşaq bağçası üçün yeni bina tikilməsi, qəsəbə daxili məişət tullantılarının daşınması üçün texnika verilməsinə köməklik göstərilməsi və sairlə bağlı tələb və təkliflərini irəli sürmüşlər.
Sonda şəhər icra hakimiyyətinin başçısı Elxan Usubov çıxış edərək tapşırıq və tövsiyyələrini bildirmiş, qarşıda duran vəzifələr barədə danışmışdır.
