Ümummilli lider Heydər Əliyevin 90 illik yubileyi münasibəti ilə Şəki Regional Ədliyyə Şöbəsində tədbir keçirilmişdir
Xalqımızın ümummilli lideri Heydər Əliyevin anadan olmasının 90 illiyi münasibətilə 30 aprel 2013-cü il tarixdə Şəki Regional Ədliyyə şöbəsində regionun ədliyyə işçilərinin iştirakı ilə tədbir keçirilmişdir.
Tədbir iştirakçıları ilk öncə ümummilli lider Heydər Əliyevin Şəki Regional Ədliyyə Şöbəsinin inzibati binasındakı büstü önünə gül-çiçək dəstələri qoyaraq əziz xatirəsini ehtiramla yad etmişlər.
Tədbiri giriş sözü ilə Şəki Regional Ədliyyə şöbəsinin rəisi Rəhman Məmmədov açmışdır. Sonra “Heydər Əliyev Azərbaycanın müasir məhkəmə hüquq sisteminin qurucusudur” mövzusunda məruzə dinlənilmiş, çıxışlar olmuşdur. Məruzə və çıxışlarda Heydər Əliyevin Azərbaycan xalqı qarşısında əvəzsiz xidmətləri vurğulanmış, Heydər Əliyev ideyalarına daim sadiq qalınacağı və onun əziz xatirəsinin hər zaman ehtiramla yad ediləcəyi qeyd olunmuşdur.
