Şəki Şəhər İcra Hakimiyyətinin başçısı şəhərin “Pirimlər” məhəlləsində səyyar qəbul keçirib
Şəki Şəhər İcra Hakimiyyətinin başçısı Elxan Usubov sentyabrın 26-da şəhərin “Pirimlər” məhəlləsində səyyar qəbul keçirib
Səyyar qəbulda başçının müavinləri, aparatın şöbə müdirləri, ayrı-ayrı xidmət təşkilatlarının rəhbərləri, məhəllə sakinləri iştirak ediblər.
Şəki Şəhər İcra Hakimiyyətinin başçısı Elxan Usubov çıxış edərək ölkədə əhalinin sosial müdafiəsinin yaxşılaşdırılması sahəsində görülən işlərə toxunub, son dövrlər rayonda həyata keçirilən tədbirlərdən söz açıb, qarşıda duran məsələlərdən danışıb.
Məhəllə sakinləri Orucov Nadir, Quliyev Altay, Abdurəhmanov Ələkbər və başqaları çıxış edərək ərazidəki sahibsiz itlərin zərərsizləşdirilməsini, mal- qaranın səllimçiliyinin qarşısının alınmasını, məhəllə ərazisindəki təhlükəli ağaclarının budanmasını və sair məsələləri xahiş etmişlər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
