Şəki Şəhər İcra Hakimiyyətinin başçısı Orta Zəyzid kəndində səyyar qəbul keçirib
Şəki Şəhər İcra Hakimiyyətinin başçısı Elxan Usubov fevralın 6-da Orta Zəyzid kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, ayrı-ayrı xidmət təşkilatlarının rəhbərləri, kənd sakinləri iştirak ediblər.
Şəki Şəhər İcra Hakimiyyətinin başçısı Elxan Usubov çıxış edərək AR regionlarının 2019-2023-cü illərdə sosial-iqtisadi inkişafı Dövlət Proqramının icrasının birinci ilinin yekunlarına həsr olunan konfransda Prezident cənab İlham Əliyevin nitqindən irəli gələn vəzifələrdən danışıb, Şəkidə ötən il görülmüş işlər və əldə olunmuş nailiyyətlər haqqında məlumat verib.
Kənd sakinləri Abdullayev Vaqif, Musayev İlham, Salmanov Həsən və başqaları çıxış edərək kəndin mərkəzi küçəsinin əsaslı təmiri, kəndin yuxarısında içməli su probleminin həlli məqsədilə artezian quyusunun qazılması, kəndin aşağı hissəsindəki yeni yaşayış massivində EATS quraşdırılması və sair məsələləri xahiş etmişlər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
