Bölgə yazarları Bəxtiyar Vahabzadənin Şəkidəki ev-muzeyini ziyarət ediblər
Xalq şairi Bəxtiyar Vahabzadənin Şəki şəhərindəki ev-muzeyində “Şairlər günü” münasibətilə bölgə yazarlarının görüşü təşkil olunub.
Şəki Regional Mədəniyyət İdarəsindən AZƏRTAC-ın bölgə müxbirinə bildiriblər ki, tədbirdə Şəki ədəbi mühitinin nümayəndələri, mədəniyyət işçiləri, həmçinin Qəbələ rayonundan Cəlil Komaradlı, Elçin Dönməz, Mirhəsən Ağayev, Mənsurə Ağayeva, Şəhla Xəlilqızı Bayramova, Oğuzdan Yusif Rzayev, Elza Gülməmmədova, Şükufə Ruhlu, Təbriz Camalzadə, Yeganə Məhiyeva və digər şair və şairələr iştirak ediblər.
Tədbirdə qonaqlar öz yaradıcılığından şeirlər səsləndiriblər. Sonra yazarlar muzeyə və tədbir iştirakçılarına müəllifi olduqları kitabları hədiyyə ediblər.
Saz ifaçılarının çıxışı, Bəxtiyar Vahabzadənin şeirlərindən nümunələr tədbirə xüsusi təravət bəxş edib.
