Kənd əhalisinin içməli su ilə təminatı yaxşılaşdırılır
13 iyul 2013-cü il tarixdə Şəki rayonunun Aşağı Kəldək kəndində yeni qazılmış artezian quyusunun istifadəyə verilməsi ilə bağlı tədbir keçirilmişdir.
Mərasimdə kənd ictimaiyyətinin nümayəndələri ilə yanaşı, rayon rəhbərliyi də iştirak etmişdir. Tədbiri kənd icra nümayəndəsi Cavanşir Məsimov açmışdır. Sonra kənd ağsaqqalı Səfər Teyyubov kənd əhalisi adından çıxış edərək yaşayış məntəqələrinin içməli su ilə təminatı istiqamətində rayonda həyata keçirilən tədbirləri yüksək qiymətləndirmiş, görülən bütün işlərə görə ölkə başçısına minnətdarlığını bildirmişdir.
Mərasimdə çıxış edən Şəki şəhər İcra Hakimiyyətinin başçısı Elxan Usubov Şəkidə əhalinin yaşayış səviyyəsinin yüksəldilməsi məqsədilə həyata keçirilən tədbirlərdən söz açmış, kənd sakinlərini bu əlamətdar hadisə ilə bağlı təbrik etmişdir.
Sonda yeni qazılmış artezian quyusu işə salınmışdır.
