Şəkidə ali məktəblərə dördüncü ixtisas qrupu üzrə qəbul imtahanları keçirilmişdir
İyulun 28-də Şəki şəhərində 2013-2014-cü tədris ili üçün ali məktəblərə dördüncü ixtisas qrupu üzrə qəbul imtahanları keçirilmişdir.
Tələbə Qəbulu üzrə Dövlət Komissiyasının Şəki regional bölməsindən verilən məlumata əsasən, qəbul imtahanlarında bu bölgəyə daxil olan Balakən, Zaqatala, Qax, Şəki, Oğuz və Qəbələ rayonlarından 616 abituriyent iştirak etmişdir. İmtahanlar şəhər fizika-riyaziyyat və humanitar təmayüllü liseydə keçirilmişdir. Həmin təhsil ocağında imtahanların keçirilməsi üçün bütün lazımi tədbirlər görülmüşdür.
Nəzərinizə çatdırırık ki, Şəki şəhərində iyulun 14-də III, iyulun 21-də isə I ixtisas qrupu üzrə qəbul imtahanları keçirilmişdir. Avqustun 3-də isə II ixtisas qrupu üzrə qəbul imtahanlarının keçirilməsi nəzərdə tutulur.
