Şəkidə ümumşəhər iməciliyi keçirilib
16 aprel 2022 | 16:00
Aprelin 16-da Şəki Şəhər İcra Hakimiyyətinin təşəbbüsü ilə Şəkidə ümumşəhər iməciliyi keçirilib.
Yazın gəlişi ilə əlaqədar şəhərin küçə və prospektlərində, meydanlarında, parkların ərazisində abadlıq, təmizlik işləri aparılıb. Yol kənarları səliqəyə salınıb, yaşıllıqlara, ağaclara aqrotexniki qaydada qulluq göstərilib.
İməcilikdə şəhərdə fəaliyyət göstərən idarə və təşkilatların əmək kollektivləri yaxından iştirak edib. Aksiyaya minə yaxın insan cəlb olunub.
Aksiyanın məqsədi ölkəmizin turizm mərkəzlərindən biri olan qədim Şəki şəhərini təmiz saxlamaq və şəhər sakinlərini buna təşviq etməkdir.
Bu cür aksiyaların qarşıdakı müddətdə də keçirilməsi nəzərdə tutulur.
Keçidlər
