Şəki məzunlarından 680 nəfəri tələbə adını qazanmışdır
Şəki məzunları ənənəyə sadiq qalaraq, ali məktəblərə qəbul imtahanlarında yüksək nəticələr əldə etmişlər.
Cari tədris ilində rayonun ümumtəhsil məktəblərini 1917 şagird bitirmişdir. Məzunlardan 11 nəfəri “Qızıl medal”a layiq görülmüşdür.
Ali məktəblərə daxil olmaq üçün sənəd vermiş 1166 abituriyentdən 680 nəfəri tələbə adını qazanmışdır. Onlardan 145 nəfəri 500, 55 nəfəri isə 600 baldan yuxarı nəticə göstərmişlər. Əvvəlki illərin qəbul imtahanları ilə müqayisədə nəticələr xeyli yüksəlmişdir.
Oxud kənd tam orta məktəbinin məzunu Fəridə Hacıhəsənli hamıdan çox - 696 bal toplayaraq Azərbaycan Respublikası Prezidenti yanında Dövlət İdarəçilik Akademiyasının hüquq fakültəsinə daxil olmuşdur. İnçə-Zunud kənd tam orta məktəbin məzunu Pərvin Abdurahmanov 691, Biləcik kənd tam orta məktəbin məzunu Günel Ağasiyeva isə 690 bal toplamışlar.
