Şəkidə məntəqə seçki komissiyaları üzvlərinin peşəkarlığının artırılması məqsədilə treninqlər keçirilmişdir

113 saylı Şəki şəhər, 114 saylı Şəki kənd birinci və 115 saylı Şəki kənd ikinci seçki dairələri dairə seçki komissiyalarında məntəqə seçki komissiyalarının sədrləri və üzvləri üçün maarifləndirici trenqlər keçirilmişdir.
113 saylı seçki dairəsinin sədri Rəhman Qədirzadə bildirmişdir ki, üç gün davam edən treninqlərdə məntəqə seçki komissiyalarının 162 üzvü  iştirak etmişdir.. Məşğələləri dairə seçki komissiyasının böyük məsləhətçisi Tehran Əzizov və operator Elnur Mustafayev aparmışlar.
114 saylı Şəki kənd birinci seçki dairəsi üzrə keçirilən treninqlərdə dairə seçki komissiyasının tərkibinə daxil olan məntəqə seçki komissiyalarının 246 üzvünün iştirakı təmin olunmuşdur. Onlara seçki günü məntəqə seçki komissiyalarının rolu və vəzifələri, prosedurlar və müstəsna hallar, səslərin sayılmasına hazırlıq, səslərin sayılması və yekun protokolun doldurulması və digər məsələlər ətraflı izah edilmişdir. İştirakçılara, həmçinin “Seçki günü üçün yaddaş” kitabçası, seçki günü ilə bağlı sənədlərin nümunələri paylanmışdır.
115 saylı Şəki kənd ikinci seçki dairəsi dairə seçki komissiyasının sədri Rasim Əzizov bildirmişdir ki, seçkilərin uğurla keçirilməsində məntəqə seçki komissiyalarının üzərinə böyük məsuliyyət düşür. Odur ki, treninqlər məntəqə seçki komissiyalarının sədr və üzvlərinin peşəkarlığının daha da artırılmasına yönəlmişdir. Dairə üzrə treninqlərdə bütövlükdə 252 nəfər komissiya üzvü iştirak etmişdir. Məşğələləri seçki dairəsinin treninq qrupunun üzvləri Gülnar Gülməmmədova və Leyli İbrahimova aparmışlar. MSK tərəfindən hazırlanmış slaydların və əyani vəsaitlərin köməyi ilə iştirakçılara seçki günü görüləcək işlər barədə ətraflı məlumat verilmişdir.