Şəkidə Qurban bayramı münasibəti ilə xeyriyyə tədbirləri təşkil olunmuşdur
17 oktyabr 2013 | 15:00
Dünya müsəlmanlarının mənəvi birlik rəmzi olan Qurban bayramı Şəkidə xalqımızın ən əziz bayramlarından biri kimi böyük sevinc və yüksək əhval-ruhiyyə ilə qeyd olunmuşdur.
Bayram münasibətilə Şəkidə bir sıra xeyriyyə tədbirləri keçirilmişdir. İndiyədək rayonda 2 mindən artıq aztəminatlı ailəyə, o cümlədən şəhid ailələrinə, əlil və kimsəsizlərə, ahıl və tənha vətəndaşlara bayram sovqatı paylanmışdır. Müqəddəs bayram münasibətilə keçirilən mərasimlərdə şəhidlərimizin xatirəsi yad edilmiş, xalqımızın rifahı və əmin-amanlığı üçün dualar oxunmuşdur.
Aztəminatlı ailələr onlara göstərilən qayğıya görə xeyirxah əməl sahiblərinə minnətdarlıqlarını bildirmiş, xalqımıza sevinc dolu günlər arzulamışlar.
Keçidlər
