Polşa musiqiçiləri: “İpək Yolu” festivalında iştirakımızdan çox məmnunuq
Belə mötəbər festivala dəvət aldığımıza görə təşkilatçılara minnətdarlığımızı bildiririk. Azərbaycana ilk dəfədir səfər edirik və festivalda iştirak etməyimizdən çox məmnunuq. Ümid edirik ki, bu diyara yenə gələcəyik.
Bu sözləri Şəki “İpək Yolu” VI Beynəlxalq musiqi festivalının iştirakçıları, Polşanın “AcCello Duo” instrumental duetinin üzvləri Konrad Merta və Pyotr Qah jurnalistlərə müsahibəsində deyiblər.
Açılış mərasimindən böyük zövq aldıqlarını vurğulayan Polşa musiqiçiləri belə festivalların xalqlar arasında dostluq əlaqələrinin möhkəmləndirilməsinə çox böyük təsir göstərdiyini qeyd ediblər. Duetin üzvləri bildiriblər ki, Şəkinin qədim tarixi abidələri, insanlarının qonaqpərvərliyi, eləcə də şəhərin milli mətbəxi onların çox xoşuna gəlib.
