Şəki Şəhər İcra Hakimiyyəti yanında İctimai Şuranın növbəti iclası keçirilib
İyunun 3-də Şəki Şəhər İcra Hakimiyyəti yanında İctimai Şuranın növbəti iclası keçirilib. İclası giriş sözü ilə İctimai Şuranın sədri Həsən Həsənov açıb, İctimai Şuranın hüquq və vəzifələri haqqında məlumat verib.
Sonra gündəlikdə duran məsələlər ətrafında müzakirələr aparılıb.
İclasda Şəki Şəhər İcra Hakimiyyəti yanında İctimai Şuranın 2025-ci il üçün Tədbirlər Planında nəzərdə tutulan məsələlərə baxılıb və müzkirələrdən sonra Tədbirlər Planı, həmçinin İctimai Şuranın üzvünün vəsiqəsinin nümunəsi təsdiq edilib.
İclasda əhalini narahat edən bəzi problemlərə toxunulub. Qeyd olunub ki, qazlaşmayan yaşayış məntəqələrinin qazla təmin olunması, sərnişindaşınmada istifadə olunan nəqliyyat vasitələrinin yenilənməsi, kənd tibb məntəqələrində bəzi tibbi xidmətlərin, xüsusilə inyeksiya prosedurlarının həyata keçirilməməsi ilə bağlı insanlar tərəfindən çoxsaylı müraciətlər daxil olur.
Sonra müzakirə olunan məsələlərlə bağlı təkliflər səslənib, müvafiq qərarlar qəbul olunub.
