Şəki Şəhər İcra Hakimiyyətinin başçısı Abbas kəndinin sakinləri ilə görüşüb
Aprelin 26-da Şəki Şəhər İcra Hakimiyyətinin başçısı Elxan Usubov Abbas kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Şəki Şəhər İcra Hakimiyyətinin başçısı Elxan Usubov çıxış edərək Prezident cənab İlham Əliyev cari ilin 18 aprel tarixində Salyan şəhərində Azərbaycan Televiziyasına verdiyi müsahibə zamanı səsləndirdiyi bəzi fikirləri görüş iştirakçılarının diqqətinə çatdırıb, ölkəmizdə sosial-iqtisadi sahədə həyata keçirilən mühüm tədbirlərdən söz açıb.
Sonra kənd sakinləri Cəfərov Musa, Rəhimov Məmməd, Əhmədov Elmir və başqaları çıxış edərək Abbas kəndinin yolunun əsaslı təmiri, kəndə yaxın meşə massivindən kənd sakinlərinə məxsus mal-qara üçün örüş yeri ayrılması, yararsız elektrik xətlərinin və dirəklərinin yenisi ilə əvəz olunması, kəndin fiber-optik internetlə təmin olunması və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
Görüşdə, həmçinin, ölkəmizin şimal-qərb və qərb rayonlarının ərazisində qəhvəyi mərmər bağacığının müşahidə edildiyi bildirilmiş, bu zərərverici ilə mübarizə tədbirləri barədə geniş məlumat verilmişdir.
