Şəki Şəhər İcra Hakimiyyətinin başçısı Aşağı Daşağıl kəndinin sakinləri ilə görüşüb
Fevralın 9-da Şəki Şəhər İcra Hakimiyyətinin başçısı Elxan Usubov Aşağı Daşağıl kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Şəki Şəhər İcra Hakimiyyətinin başçısı Elxan Usubov çıxış edərək Türkiyə Respublikasının ərazisində baş verən, çoxsaylı insan tələfatı və dağıntılara səbəb olan güclü zəlzələnin nəticələrinin aradan qaldırımasına dövlətimizin göstərdiyi dəstək tədbirlərindən danışıb, Prezident cənab İlham Əliyevin cari ilin 3 fevral tarixində Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclaslarında çıxışlarından bəzi məqamları iclas iştirakçılarına çatdırıb.
Sonra kənd sakinləri Əyyubov Sədrəddin, Məmmədov Müşviq, Sadıqov Füzuli və başqaları çıxış edərək kənddə içməli su probleminin həllinə, təbii qazın verilməsinə, kəndin internetlə təmin olunmasına köməklik göstərilməsini və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
