Şəki Şəhər İcra Hakimiyyətinin başçısı Baş Küngüt kəndində səyyar qəbul keçirib
![IMG_2274 [1600x1200].JPG](http://sheki-ih.gov.az/storage/img/news/de6bfc7db59401abc343c6eed450fb7e.JPG)
Şəki Şəhər İcra Hakimiyyətinin başçısı Elxan Usubov iyulun 4-də Baş Küngüt kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Kənd sakinlərini salamlayan Şəki Şəhər İcra Hakimiyyətinin başçısı Elxan Usubov Qoşulmama Hərəkatı Parlament Şəbəkəsinin “Dünyada sülhün və dayanıqlı inkişafın təşviqində milli parlamentlərin rolunun gücləndirilməsi” mövzusuna həsr olunan Bakı konfransında dövlət başçısının səsləndirdiyi bəzi fikirləri görüş iştirakçılarının diqqətinə çatdırıb.
Sonra icra başçısı son müddət rayonda görülmüş işlər və qarşıda duran vəzifələr haqqında məlumat verib.
Kənd sakinləri çıxış edərək əraziyə yağan leysan yağışları nəticəsində yaranan güclü sel daşqınlarının fəsadlarının aradan qaldırılması üçün texnikanın verilməsinə köməklik göstərilməsi, Baş Küngüt kənd tam orta məktəbinin körpüsünün yenidən tikilməsi, kəndin ərazisindəki işıq dirəklərinin və elektrik naqillərinin dəyişdirilməsinə köməklik göstərilməsi və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
