Şəki Şəhər İcra Hakimiyyətinin başçısı Cəfərabad kəndinin sakinləri ilə görüşüb
İyul ayının 13-də Şəki Şəhər İcra Hakimiyyətinin başçısı Elxan Usubov Cəfərabad kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Şəki Şəhər İcra Hakimiyyətinin başçısı Elxan Usubov çıxış edərək iyulun 11-də Prezident cənab İlham Əliyevin sədrliyi ilə keçirilən 2023-cü ilin altı ayının sosial-iqtisadi yekunlarına həsr olunmuş müşavirədə ölkə başçısının səsləndirdiyi önəmli mesajları görüş iştirakçılarının nəzərinə çatdırıb, ölkəmizdə son müddətdə sosial-iqtisadi sahədə həyata keçirilən mühüm tədbirlərdən söz açıb, rayonda görülən işlərdən, qarşıda duran vəzifələr haqqında məlumat verib.
Sonra kənd sakinləri Sadıqov Səbuhi, Məmmədov Məmməd, Çələbiyeva Elza və başqaları çıxış edərək Cəfərabad kənd tam orta məktəbinin əsaslı təmir olunmasına köməklik göstərilməsi, içməli su probleminin həlli, Cəfərabad kənd uşaq bağçasının əsaslı təmir olunması və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
