Şəki Şəhər İcra Hakimiyyətinin başçısı Elxan Usubov Aydınbulaq kəndinin sakinləri ilə görüşüb
Oktyabrın 12-də Şəki Şəhər İcra Hakimiyyətinin başçısı Elxan Usubov Aydınbulaq kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Şəki Şəhər İcra Hakimiyyətinin başçısı Elxan Usubov çıxış edərək son dövrlər ictimai-siyasi sahədə baş vermiş mühüm hadisələrdən, Qarabağ bölgəsində aparılmış lokal xarakterli antiterror tədbirindən, ölkəmizin öz suverenliyini bərpa etməsindən, işğaldan azad edilmiş ərazilərə “Böyük Qayıdış” proqramının uğurlu icrasından danışıb.
Sonra kənd sakinləri Əliyev Mehman, Pirimov Nadir və başqaları çıxış edərək kəndə təbii qazın verilməsini, Aydınbnulaq kənd tam orta məktəbinin iclas və idman zalının təmir edilməsinə köməklik göstərilməsini, qış mövsümü ilə əlaqədar kənd əhalisinin oduna olan təlabatının ödənilməsini və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirmişdir.
Görüş zamanı dini radikalizmin, narkomaniyanın yaratdığı fəsadlardan, onların qarşısının alınması sahəsində həyata keçirilən profilaktik tədbirlər haqqında məlumat verilmişdir.
