Şəki Şəhər İcra Hakimiyyətinin başçısı Elxan Usubov Baqqal kəndinin sakinləri ilə görüşüb
İyunun 6-da Şəki Şəhər İcra Hakimiyyətinin başçısı Elxan Usubov rayonun Baqqal kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Şəki Şəhər İcra Hakimiyyətinin başçısı Elxan Usubov çıxış edərək ölkəmizin ictimai-siyasi həyatında son müddət baş verən mühüm hadisələrə toxunub, qarşıda duran vəzifələrdən danışıb.
Sonra kənd sakinləri Məmmədova Vüsalə, Bilalova Məhəbbət, Məmmədov Loğman və başqaları çıxış edərək Baqqal kəndinə mavi yanacağın verilməsi üçün qaz xəttinin çəkilməsini, kənddə gedən 3 km yolun asfaltlaşdırılması, Baqqal kəndində tibb məntəqəsi üçün binanın tikilməsi və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
Görüş zamanı vətəndaşlar tərəfindən onlara məxsus yaşayış evlərinin sığortalanmasının vacibliyi qeyd olunmuş, adidiyyəti şəxslərə məsələ ilə bağlı tapşırıqlar verilmişdir.
