Şəki Şəhər İcra Hakimiyyətinin başçısı Elxan Usubov Baş Zəyzid kəndinin sakinləri ilə görüşüb
Martın 7-də Şəki Şəhər İcra Hakimiyyətinin başçısı Elxan Usubov rayonun Baş Zəyzid kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Şəki Şəhər İcra Hakimiyyətinin başçısı Elxan Usubov çıxış edərək qadınları 8 mart - Beynəlxalq Qadınlar Günü münasibətilə tədbik edib, son dövrdə ölkəmizin həyatında baş vermiş önəmli hadisələrdən danışıb, qarşıda duran vəzifələr barədə məlumat verib.
Sonra kənd sakinləri Zəkəryəyev Kənan, Həmidov Əşrəf, İsayev Etibar və başqaları çıxış edərək kəndin yuxarı hissəsində artezian quyusunun qazılması, həmin ərazidə qazlaşmayan evlərin qazla təmin edilməsi, toxmacar bağlarına hüquqi sənədlərin verilməsi və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
Görüş zamanı narkomaniyanın və erkən nikahın yaratdığı fəsadlar, onların qarşısının alınması sahəsində həyata keçirilən profilaktik tədbirlər haqqında məlumat verilmiş, vətəndaşlar tərəfindən onlara məxsus yaşayış evlərinin sığortalanmasının vacibliyi qeyd olunmuşdur.
