Şəki Şəhər İcra Hakimiyyətinin başçısı Elxan Usubov Küdürlü kəndinin sakinləri ilə görüşüb
İyulun 23-də Şəki Şəhər İcra Hakimiyyətinin başçısı Elxan Usubov rayonun Küdürlü kəndinin sakinləri ilə görüşüb.
Səyyar qəbulda başçının müavinləri, aparatın şöbə müdirləri, idarə və müəssisə rəhbərləri, kənd sakinləri iştirak ediblər.
Əvvəlcə Azərbaycan Respublikasının suverenliyi və ərazi bütövlüyü yolunda canını qurban vermiş şəhidlərimizin əziz xatirəsi bir dəqiqəlik sükutla yad edilib.
Şəki Şəhər İcra Hakimiyyətinin başçısı Elxan Usubov çıxış edərək ölkəmizin ictimai-siyasi həyatında son müddət baş verən mühüm hadisələrə toxunub, qarşıda duran vəzifələrdən danışıb.
Sonra kənd sakinləri Murtuzov Namiq, Sadıqov Bəylər, Paşayev Ayaz və başqaları çıxış edərək Küdürlü kəndinin mərkəzindən keçən yolun asfaltlanması, kəndə qaz çəkilməsi, 2023-cü ildə yeni qazılıb istifadəyə verilmiş artezian quyusunun ətrafına iri tutumlu su çəninin qoyulması və sair məsələləri xahiş ediblər.
Şəki Şəhər İcra Hakimiyyətinin başçısı Elxan Usubov qaldırılmış məsələlərlə bağlı tapşırıq verib və tövsiyələrini bildirib.
Görüş zamanı vətəndaşlar tərəfindən onlara məxsus yaşayış evlərinin sığortalanmasının vacibliyi qeyd olunmuş, adidiyyəti şəxslərə məsələ ilə bağlı tapşırıqlar verilmişdir.
