Şəkidə "Sənətkarlıq Diyarı" adlı mədəni-kütləvi tədbir keçiriləcəkdir
Sentyabr ayının 5-də Şəki Şəhər İcra Hakimiyyətinin, Dövlət Turizm Agentlyinin və “ABAD”-ın birgə təşkilatçılığı ilə Şəkidə "Sənətkarlıq Diyarı" adlı mədəni-kütləvi tədbir keçiriləcəkdir.
Şəhərimizdə belə bir tədbirin keçirilməsi təsadüfi deyil. Çünki Şəki şəhəri 2017-ci ildən “Sənət və sənətkarlıq” tematikası üzrə UNESCO-nun Yaradıcı Şəhərlər Şəbəkəsinin üzvüdür.
Tədbir zamanı ölkəmizin ayrı-ayrı bölgələrindən gələn “ABAD”çı sənətkarların əl işlərindən ibarət satış-sərgi təşkil olunacaq, onlar tərəfindən ustad dərslər nümayiş etdiriləcəkdir.
Tədbir Şəki “ABAD” Keramika və Tətbiqi Sənət Mərkəzinin qarşısında keçiriləcəkdir, saat 14:00-da sənətkarlar əl işlərini hazırlanmağa başlayacaqlar, saat 17:00-da isə tədbirin rəsmi hissəsi keçiriləcəkdir.
Şəhər sakinlərinin, şəhərimizin qonaqlarının, turistlərin marağına səbəb ola biləcək tədbirdə hər kəsi gözləyirik!
