Şəkidə Yeni Azərbaycan Partiyasının təsis edilməsinin 32-ci ildönümü münasibətilə ağacəkmə aksiyası keçirilib
“Yaşıl dünya naminə həmrəylik ili” çərçivəsində Yeni Azərbaycan Partiyasının təsis edilməsinin 32-ci ildönümü münasibətilə noyabrın 21-də Şəki Şəhər İcra Hakimiyyəti ilə YAP Şəki rayon Təşkilatının birgə təşkilatçılığı ilə Şəkidə ağacəkmə aksiyası keçirilib.
Şəki Şəhər İcra Hakimiyyətinin və YAP Şəki rayon Təşkilatının rəhbərliyinin, ərazi partiya təşkilat sədrlərinin, partiya fəallarının, ictimaiyyət nümayəndələrinin iştirak etdiyi aksiya çərçivəsində şəhərin Salman Mümtaz küçəsində şam ağacları əkilib.
Qeyd edək ki, Yeni Azərbaycan Partiyasının təsis edilməsinin 32-ci ildönümü münasibətilə noyabr ayının 20-də YAP Şəki rayon Təşkilatının təşkilatçılığı ilə tədbir, noyabrın 21-də isə YAP Şəki rayon Təşkilatı ilə Şəki Şəhər Usaq-Gənclər İdman-Şahmat məktəbinin birgə təşkilatçılığı ilə partiya üzvləri arasında şahmat turniri keçirilib.
