Şəkidə yollar qardan təmizlənir
Artıq bir neçə gündür ki, şaxtalı-qarlı hava şəraiti və intensiv qar yağması ilə əlaqədar Şəki Şəhər İcra Hakimiyyəti, Şəki KTİB və “12 saylı Yol İstismarı” MMC gücləndirilmiş iş rejimində çalışırlar.
Rayon ərazisində intensiv yağan qarın təmizlənməsi istiqamətində operativ tədbirlər həyata keçirilir. Bununla əlaqədar olaraq gecə və səhər saatlarında xüsusi təyinatlı texnika tərəfindən yollar qardan təmizlənir, küçə və prospektlərə duz-qum qarışığı səpilir.
02.03.2025-ci il tarixdə səhər saatlarından xüsusi texnika və aidiyyəti qurumların canlı qüvvəsi tərəfindən küçə və prospektlərin təmizlənməsi məqsədilə tədbirlər görülmüş, xüsusilə şəhər ərazisində DİM tərəfindən buraxılış imtahanlarının keçiriləcəyi binaların qarşısı və həmin istiqamətdə gedən yollar qar və buzdan təmizlənmişdir.
