Zəfər Günü münasibətilə Şəkidə ağacəkmə aksiyası keçirilib
08 noyabr 2024 | 18:15
Yaşıl dünya naminə həmrəylik ili” çərçivəsində 8 noyabr - Zəfər Günü münasibətilə noyabrın 7-də Şəki Şəhər İcra Hakimiyyətinin təşkilatçılığı ilə Şəkidə növbəti ağacəkmə aksiyası keçirilib.
Şəki Şəhər İcra Hakimiyyətinin rəhbərliyinin, şəhid ailələrinin üzvlərinin, müharibə veteranlarının, idarə və müəssisələrin kollektivlərinin, bələdiyyə üzvlərinin, ictimaiyyət nümayəndələrinin iştirak etdiyi aksiya çərçivəsində şəhərin Salman Mümtaz küçəsində 100 ədəd eldar şamı əkilib.
“Yaşıl Dünya naminə həmrəylik ili” çərçivəsində Şəki rayonu ərazisində magistral yolların kənarında payız mövsümü ərzində yaşıllıqların artırılması məqsədilə 12000-dən artıq ağac əkilmişdir. Yaşıllıqlara qulluq və abadlıqla bağlı tədbirlər hazırda davam edir.
Keçidlər
